عايش متهني ،،،،،،، للشاعر ///// محمد ضباشة

عايش متهنى
الشاعر محمد ضباشه
_____
أنا ومقام سيدنا محمد
بايع الدنيا بكل ما فيها
ولا طمعان من أرضها حته
والجته عايشه بمعانيها
تحضن طلة فرح تغنى
على ما فى عايش متهنى
والهدمة لو دايبه تشلنى
وتنشلنى من دمع عينيها
فأحزن ليه لو غابت عنى
وأطاطى وأبوس أياديها
ومهما الليل يسهر يألمنى
أفرد حضنى براح ينسيها
ولا أجرى وراها وكأنى
ريح بتكسر سواقيها
لا أشرب منها ولا تشبعنى
ولا غيرى يلحق بواقيها
وأنا نفسى ورايا بتتبعنى
لو كسرة خبز تقضيها
وحيائى لسؤال يمنعنى
اذل كرامتى وأوطيها
ومهما يقولوا طب أيه يعنى
ما يقولوا ولا شيء يعنيها
ما هى خداعة وبتخدعنى
ولا ناسيه بالقهر ماضيها