ظلموني ،،،،،، للشاعر //// عبد المنعم عدلي

ظلمونى
عبدالمنعم عدلى..مصر
ظلمونى الناس
وموتوا الإحساس
وراح اللى كان
تحت التراب
وغابت الشمس
كسوف من
جرح الناس
وباتت الأه
بين الضلوع
تتمزق وتصرخ
والنجيمات فى السماوات
تبكى وتنعى
وليد الحب
وهو يحبوا
الى السكرات
وآاه على ناس
أشعلوا النار
والجنين مات
فى رحم الحنين
ياعين على الصابرين
وألف آاه
عليك ياقلب
عندما ظلموك الناس
قاسية القلوب
من غيرة الحب
والأحبة بعيد
والقرب منهم محال
ياظالمين القلوب
والزمن دوار
سيبوا القلوب
تحب وتتحب
ولو جوه النار
وخليكم بعيد
عن التيار
بقلمى عبدالمنعم عدلى