الشيخ بحبــــوح
********************
شى لله ياعم الشيخ بحبوح
عايشين دنيتنا حلاوة روح
ولا لينا آمال ولا حتى طموح
وآمال ماتت فى حريقه زمان
والحلم إتعمى راخر ده كمان
سايق عليك ....لاتبحبحها
مشيها شويه ...ومرجحها
دى الخلق خلاص طلعت روحها
من كتر الديقه بقت فى جنان
عمّاله تصرخ والصوت مبحوح
شى لله ياعم الشيخ بحبوح
كان فى امانى عايشه معانا
واختها افراح ....كات ويانا
وبترقص وتغنى ....غونانا
من يوم ما إتوفت من فترة
وخالتها احزان مش سايبانا
حالفه لاتقضيها ....معانا
ولغايه روحها كمان ماتروح
شخللها ياعم الشيخ بحبوح
ماهو مولد وبركاتك هلّه
دراويش الغرب علينا طلّه
عمّاله علينا بتتسلى
بتفرق وتلّم الغله
والحاج سلام وحمامه مدبوح
شخللها ياعم الشيخ بحبوح
رايحين على فين ماحناش عارفين
ماهو مولد منصوب عالجنبين
ناس ماشيه وناس تايهه وضايعه
وفى ناس بتصقف راح يكسب مين
او مين راح يطلع هنا مجروح
شخللها ياعم الشيخ بحبوح
........
بقلم /قيصر الكلمات هانى سرور
ليست هناك تعليقات:
إرسال تعليق