قصيدة باللهجة العامية بعنوان
شو رأيك يا بو بديع
...........................................
شو رأيك يابو بديع
مابدنا هالوطن يضيع
بدنا نزرع بذر الحب
تا يحلى عنا الربيع
أنا وأنت وخيك شفيع
نبني هالسد المنيع
العالم كلو بحاجة حب
يلا نوزع عالجميع
......................
نفتح للحب الأبواب
تا نحصن كل الشباب
والكل يعيش بسلام
ما بدها زعل وعتاب
البسمة لكل الأحباب
صدقةب وش الأصحاب
يلا نوزعها للكل
وما نخلي حدا مرتاب
.......................
حميل بإيدك باقة ورد
وبقلبك زهرات الود
وزعهن على كل الناس
زراع بقلب العالم سعد
ويلا تا نعلي البنيان
نرسم فجر اليوم وغد
وكل الطوائف إخوان
منرفع سوى صرح المجد
...................................
بقلمي
د . ملك محمود الأصفر
الثلاثاء، 21 أغسطس 2018
شو رأيك يا أبو بديع ،،،،،،، بقلم د. ملك محمود الأصفر
الاشتراك في:
تعليقات الرسالة (Atom)
ليست هناك تعليقات:
إرسال تعليق