الرحمه هجت
م القلوب
حتى الطفوله
بيؤدوها
ايه ذنبهم
ايه جرمهم
الموت ضريبه
يدفعوها
ابكي يا قلبي
على البشر
اصل القلوب
صبحت حجر
غابه يا دنيا
فيكي وحوش
ف كل الطرق
بتصدر خطر
، و فينك
يا ضميرنا
الحي فينك
ايه جرى بينا
وبينك
ليه تموت
جوه ابن ادم
وبالظلام رافع
ايدينك
يا ضمير قاسي
واناني
ليه تموت واحنا
نعاني
كل يوم بسببك
ضحايا
نقول كفايه
نلقى تاني
البشر غابت
عقولهم
لما زرعوا الشر
ف حقولهم
بعد ما واربوا
البيبان
وسمحوا للشيطان
يزورهم
قام سلبهم
م الايمان
وراح سقاهم
م الظلام
حتى طفل
برئ معاهم
قطفوا روحه
قبل الاوان
ابكي يا قلبي
مسعد سليم
ليست هناك تعليقات:
إرسال تعليق