إيه الغرابة في كلامي ،،،،،، للشاعر //// أسامة جديانه

أيه الغرابه فى كلامى
لما أصرح بحبى
طول عمر قلبى شاريكى
ياللى ملكتى قلبى
أسألى قلبك يقولك
وبلاش تدارى وتخبى
العشق باين ف عنيكى
بس أنتى غاويه تدارى
تشوفينى جى من بعيد
ألمح عيونك بصالى
منتظره منى السلام
أعمل مش واخد بالى
وتسوقى عليا الدلال
قال أيه م أنتش خيالى
وأنتى اللى دايبه دوب
أيه الغرابه ف قولى
قلبك م الفرحه طاير
وأتحقق خلاص حلمك
ياما سهرتى ليالى
وأنا بعيونى شيفك
انتى ناسيه أنى جارك
وعيونى بتتابعك
بلاش تسوقى ف دلالك
قلبى بيتمنى قربك
                          ( أسامه جديانه)