..... ما لي لاأرى الهدهد .....
........................................
في إجتماع الأوليا من كل عام
أو حسب مستجدات المآسي
للبت في أمور ...... العوام
والبحث في شئون الكراسي
والمصايف واللطايف والشماسي
والأماسي والنغم ويا الدفوف
الموائد شوفتها بلحم الخروف
عبوا البطون والناس جياع
وابتدينا ............ الإجتماع
والإنصياع ........ والإستماع
هم واحد من سادات المتخامين
وإعتلي صدر المنصه
بس كان الشوف معتم حبتين
بص بصه في السما
كأنه بيعد النجوم
ساد الوجوم والهمهمه
مسك المايك
( مالي لاأرى الهدهد )
شق السكات صوت إنما
من بين جموع الغلبانين
جئتك ياسيدي بالخبر اليقين
واحلف بجاهك ميت يمين
شوفت الطيور قالت خلاص
هربت وعدت للخلاص
لما لاص العدل بإيدينا انهزم
من بعد هارون الرشيد
أصبح شريد
بيعنا المبادئ والقيم
عرش بلقيس إتهدم
عبت ولادها في الملاجئ
والخيام أو في الكفن
كل العروش في بلادنا
قد صابها العفن
عودنا لزمان التيه
عايشين شتات من غير تمن
ورجعنا لعبادة ........ الوثن
ولا عاد سبأ ولا عاد نبأ
ولا فجر شقشق في اليمن
........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق