فكوا قيود الظلم ،،،،،،، للشاعر //// أسامة جديانه

فكوا قيود الظلم
سيبونى أعيش أحلامى
بكت القلوب بالدمع
والدمع كان دامى
تاه الحنين جوايا
وتاهت معاه أيامى
مشتاق لبحر الغرام
أطرح شباك آلامى
واحكى لموج البحر
يشيل عنى همومى
على شط بحر الغرام
تشهد نجوم الليل
عن حلم زرعته  على شطى
ورويته بضى جميل
سرقتوا الحلم منى
والقلب صار عليل
كان حلمى أعيش الحب
وأغنى وأقول مواويل
الحب قلب أبيض
والحنين جواه سيل
النبض جواه أغانى
مروى بالسلسبيل
فكوا قيود الأسى
مافيش لحلمى بديل
                             ( أسامه جديانه)