عبد العليم ابو عبده
·
لو المحبه اتفرقت ع القلوب
--------------------
وكان نصيبى مفيش
حعيش العذاب مغصوب
واسيب حبيبى يعيش
وانول رضاه وابتسامه
من بعيد لبعيد
واخليه يفرح بايامه
ولا يشوفنى وحيد
لو المحبه اتفرقت ع القلوب
---------
دقات قلبى
بدام هانت ع الغرام
حعيش خالى
واسهر ليالى
ولا ف بالى
سعاده وابتسام
واشوف حرمان
لقلبى كان
وبسرعة البرق
يضيع العشق
ويمر الزمان
واروح لنهايه
من غير حكايه
اسبها ذكرى
للى كان
------
لو المحبه
عطتنى حبه
م الشوق والحنان
وخلتنى اعيش
ولو مفيش
غير لقا واحضان
كان عمرى طال
ويا انشغال
وشفت الامان
لكن محروم من لمسة ايد
والوعد جوايه وعيد
والمحبه شايفها نكبه
ف طريق نسيان
----------
الشاعر \\ عبد العليم ابو عبده
كلماتى ومسجله باسمى
الاثنين، 31 ديسمبر 2018
لو المحبة اتفرقت ع القلوب ،،،،،،، للشاعر //// عبد العليم أبو عبده
الاشتراك في:
تعليقات الرسالة (Atom)
ليست هناك تعليقات:
إرسال تعليق