عام سعيد
شعر/محمود العزب
28/12/2018
نِفسى يبقَىَ عام سعيد
واشوفُهْ جَىّ بشئ جديـد
وتِنتهـى فيـهْ المآسـى
وتبقَى كُـل ايامنا عيـد
ونِبقَىَ دايمـاً ناس بِتِفهَم
ونِفهَم ان كلامنـا أسلَـم
مِن سكوتنـا وليهْ نِقاسى
وليـهْ بِنستَنَّـىَ المَزيـد
وليهْ نعانى ياخَلْـق تانى
واحنَّـا مَليانـين أمانـى
ونِفسى مااْلقَىَ حَد ناسى
إن ناسـى مُـش عبيـد.
ليست هناك تعليقات:
إرسال تعليق