لأنك حلوة ،،،،،، للشاعرة //// سناء علبة

لانك حلوة
ياسنه من عمري عبتمري
رح اشربك بكاسات سهري
واطفي فيكي ظمى عمري
و اسهرك لتنطفي اخر الشمعات
واكتبك على ضو القمر غنيات
وعند الفجر رح اترك  لليل اهات
وابدا صبح من دونك !!!!!!!!!!
لانو بكيفيكي اخذتي
من العمر كمشة سنة
واني ايامي محصور فيها الهنا
لاتزعلي يا الثامنة عشر
رح اترك وبلش بالتاسعه عشر
وخلي هالحب يكبر فينا
بعد ما صوت الرصاص فيك انتشر
سامحيني يا الثامنة عشر
وشوشتها للي بعدك
رح بلشها بالحب والخير يعم البشر
ورحل منها كل الي بيحمل بذور الشر
  وانده كاسك يا احلى سنه بتمر
وانشالله جاينا الفرح
مع خيوط الغسق واذان الفجر
الشاعرة سناء علبة سوريا