قصيدة ( بسملة كتكوتة)
بقلم / شرين سعد أحمد
شاعرة جنوب الوادي
#شرين_سعد_أحمد
****************
بسملة كتكوتة ف حدوتة
ولا فيش في جمالها بنتوتة
شطورة مؤدبة بزيادة
وذكائها مكتوب في النوتة
بسملة يا حبيبتي أنا معاكي
متضامنة وعيني شايفاكي
قمراية وشك بينور
يحميكي ربي ويرعاكي
وإن عابك واحد مش فاهم
هاجمك بجهالة وبيداهم
ولا قادر يلمح أخلاقك
فأنا اللي هرد وهتفاهم
واقوله يا مستر يا مربي
طب رد عليا ولا تخبي
صحيلي ضميرك بالمرة
وحسابك هيكون على ربي
ده نبي الرحمة وصانا
ما نبصش للون وهدانا
قالها في حديثه وأكدها
اكرمنا عنده اتقانا
يا زميلي الفاضل لا تجادل
ولا تكسر خاطر بالكامل
أجبر بخاطرها وصالحها
بسملة محترمة وتستاهل
وأنا ببعت مني أنا تحية
لأجمل تلميذة بجدية
ده جنوب الوادي بيشهدلك
بسمارك نلتي الملكية
لقلوبنا ملكتي وخطفتي
على عرشك جيتي تربعتي
وبقولها بصوتي أهو العالي
بالضحكة الحلوة أكيد فزتي
إهداء إلى الجميلة بسملة
27/11/2018
ليست هناك تعليقات:
إرسال تعليق