عايز تحب مصر ،،،،،، للشاعر //// عبد العليم أبو عبده

عبد العليم ابو عبده ·
عايز تحب مصر
---------------
عيش ف قصر
واملك شاليه ع البحر
وفلوس بالكوم
وانسى الهموم
زى سحر
واطمن ان ليك ضهر
وشوية مناصب
على كتير مكاسب
كانك بتغرف فلوس من بحر
واضرب الدنيا طبنجه
واشرب عصير مانجه
وشرب غيرك المر
وبعزق فلوس
واجضن وبوس
من غير جواز ولامهر
وبرطع زى الحمير
بدام فلوسك كتير
ولعب معاك الزهر
واضرب القانون بالجزمه
بدام ملوش لازمه
غير ع اللى شايفين القهر
وايد وعارض
بدام فارض
ع الغلابه الفقر
وخليك كارت ارهاب
ع اللى دايقين العذاب
وكلامك ياباشا امر
كدا
احنا الفدا
لكل ظلم وغدر
وانت بس
اللى بتحس
وبتحب لوحدك مصر
---------
الشاعر \\ عبد العليم ابو عبده
كلماتى ومسجله باسمى