خجلتني وداعتك ،،،،،،،، للشاعر ////// قاسم الدوسري

خجّلتني وداعتك.....لمّن گلت
آنه أصيرلنك جسر...
      واتمر عليّ..
وحيرتني وداعتك....
لمّن گلت ...
انته شمس الله الجبیره
وآنه فيّ....
أختبرني وشوفني مو بس كلام
انه من تعطش اصيرلنك
الميّ .....
انه لو چلچل علیک الليل خلي
اشعل النور...
وأضويلك أدّي...
انته ماتعرف معزتك...
انته روحي...
انته كلبي...
المائله بهالدنيه خّي
خجلتني وداعتك...
مرمراني الشوك ...والحسره بكليبي
نار تسعر....
وانته بس وحدك دواها
والزعل....وليل الفراگ...
حیل اي والله لواها...
وعلمتني ...
الشكوى لله...
وكلت ماأدعي عليك
خايف الله يعثرك وانته رجاها
وداعتك ... ماعندي غيرك
روحي طيرك...
وانته بس صاير سماها
مرت سنين وليالي
وانه حال الضيم حالي
وجنت اشوفك...
وجنت اتمر ابخيالي...
وجانت عيوني غريبه
ابد مابطل رجاها...
خجّلتني وداعتك...
وهسه اشوفك
     والخجل كاتلني حيل
ومن يسالوني...شجاوب
وين ذاك الجان سيل...
يغرّك أكليبي بحنانه..
وجنت بس انهار عندي...
وابد مامر بيه ليل...
وينه الگال عد عینک حبیبی...
وماارید اتشوف ویل...
عافني...بلحظة وداع
وماشفت بعدك حبيبي...
بس سراب..
وتراب خيل...
خجلتني وداعتك
قاسم الدوسري