المشهد صعب على قلوبنا
ودموع العين راح تغلبنا
الطفل حقيقي بيتألم
و هيفيده بإيه بس تعبنا
والحر عليه داير يقسى
و قلوبنا ثواني و بتنسى
و دموع العين بنشفها
و مزاد الحزن عليه يرسى
الصوره حزينه و مخزيه
ملامحها اوجاع منسيه
مرسومه بريشة وقع مر
تفاصيلها كلها ........ سلبيه
المشهد بيصرخ و ينادي
يا اهل الخير هنا ف بلادي
حسوا بحال ايتام وغلابه
قبل ما يبقى وجعهم عادي
مدوا ايديكم لوجه الله
امسحوا دمعه بتصرخ اه
ردوا لطفل ربيع أيامه
قبل ما يدعي ف كل صلاه
خلوه يكبر رافع راسه
عزة نفسه تبقى اساسه
و كل الحب لوطنه بقلبه
وصادق جدا مع احساسه
المشهد صعب
✏ مسعد سليم
ليست هناك تعليقات:
إرسال تعليق