إنذار ،،،،،، للشاعر/رشاد الدهشوري

إنذار.............رشاد الدهشورى
إوعى الفراغ إوعى اصحابك
حازر ووضح اسبابك
إوعى الشيطان إوعى الإدمان
إشغل فراغك وشبابك
إوعاك تقول آخد شمه
تلقى الضمير هج وسابك
تصبح هزيل من غير زمه
والناس ما تعملش حسابك
وتبقى خيبه  كدا ورمه
والسم يحرق اعصابك
إهرب من اللى ما يتسمى
واختار بنفسك اصحابك
دور وإتعلم لك صنعه
روح إشتغل شغل إيدك
الدنيا مسعوره ووالعه
حاول وربك هيزيدك
دى مصر تعشق اولادها
ديما تحبك وتريدك
وعشان كدا لازم نختار
يا إما جنه فى حضن النيل
يا اماشمه وتبقى فى نار
سيب السيجاره عليها ودوس
دانت بتحرق فيها فلوس
دمك وجسمك يتلوث
امراض كتير والله كابوس
انا شاب مصرى وقلمى صريح
ساعة ما يلمح شر يصيح
يا مه فى الدنيا ناس مجاريح
احلف على التدخين بطل
واياك تتعلل بالاعذار
علشان ولادك وحياتك
علشان ما تفضل مصر عمار
سرطان بنشربه بإيدينا
ربنا ما يكتبها علينا
وعلى الله دا يكون لك إنذار