أغنية موثقة
من ديوان .. إفرد النيه ..
.................................
........ قلت تحيا .........
................................
قلت تحيا بلدنا تحيا
قاللي قولي إزاي هاتحيا
وسط نوا ودايره بيها
واحنا فيها نعيش ونحيا
قلت بلدي حياه وروح
لما مر عليها نوح
قال دي جنه ورود ودوح
وصوره جوا عنينا زاهيه
وقال إله الكون باريها
جوا عينه بيداريها
السلام رفرف عليها
واحنا فيها نعيش ونحيا
رغم شايله كتير هموم
شوفتها شقه الغيوم
لاجل فيها النور يدوم
والاعادي تروح في داهيه
لسه فيها التوته طارحه
والطيور م الفجر سارحه
والحواري ملانه فرحه
والقلوب للغل ماحيه
تبقى عيدنا واحنا دينها
قالها سيدنا رباط وتينها
لم ناسها وشد حيلها
عاشوا فيها وقالوا تحيا
دول أسود والقلب حامد
في الشدايد شعب صامد
شد حيله وشد جامد
ع الزناد والنيه صاحيه
قال لي تحيا بلدنا تحيا
قلت تحيا في كل ناحيه
والضماير فيها تصحى
واحنا بيها نعيش ونحيا
...............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق