🌹🌹سميتك روحي🌹🌹
سميتك روحي وروحي فداك
وعشانك روحي مش سكناني
لو بأيدي كنت ادخل جواك
وبعيوني ف قلبك اشوف مكاني
انا قلبي وعقلي سكنه ملاك٠٠
ولو اطول هعشقك تاني وتاني
وعشقتك والعشق هلاك
لو فكرت انك تبعد و تنساني
محتاج اعيش عمري وياك
انت ومش اي حد تاني
المح بعيني بسمتك يا محلاك
رسمت بسمه بجمالها وخداني
حلمت كتير أنول رضاك
وقلبك يحس بطعم حناني
احساس غريب يوم ما القاك
احساسي بإنك وحدك ملكاني
حسيت بقلبي ساكن جواك
لاعرفتني ولاعرفت مكاني
بنسى روحي وانا وياك
وأسرح في حبك بخيالي
قلبي وروحي فدى لهواك
وانسى روحي لوفكرت تنساني
و حلمت أعيش العمر معاك
وف حضن قلبك عرفت مكاني
بقلمي / هاني غريب
مصر ٢٠١٩/٤/١١
ليست هناك تعليقات:
إرسال تعليق