ماتحزنيش
ماتحزنيش يابهيه
الكل لابس قناع
أل لابس توب البطوله
وأل خان وباع
وأل لابس توب الفضيله
وعامل للناس صداع
ومغموس فى الرزيله
غرقان حتى النخاع
ماتحزنيش يابهيه
الكل لابس قناع
أل عايش فى التكيه
يمثل الحق كل أجتماع
ويفند شر البريه
ويصفق دون أقتناع
عايش ديما بالتقيهْ
ما يهمه حق ضاع
مادام عيشته هنيه
يموت كل المراعْ
ماتحزنيش يابهيه
الكل لابس قناع
فاكرينك لقمه طريه
هيقسمها السباع
بس لساكى قويه
أفردى 100شراع
عريهم من الفضيله
وأخلعى عنهم كل قناع
دول مش ولادك يابهيه
دول شويه رعاعْ
بقلم كابتن سعيد الحاجه
الثلاثاء، 26 فبراير 2019
ما تحزنيش ،،،،،،، للشاعر/// سعيد الحاجة
الاشتراك في:
تعليقات الرسالة (Atom)
ليست هناك تعليقات:
إرسال تعليق