( فوق كتافى )
حامل فوق كتافى يمه
والحلم أصله تقيل
أثر على نفسى
ناقص أحكيها مواويل
سبتينى يمه
للبهدله وهد الحيل
ماغبت عنى لحظه
إتحرمت يا أم القلب الجميل
و الحياه ماشيه بس نفسى
اشوفك بحلمى لو دقيقة بالليل
تهدى نفسى م الفكر وأحس
بنفسك مش بعيد ولا طويل
خلى بالك من وقت
للتانى بحس إنى شبيه إنسان
ماشى بلا هدف
وكإنى تايه عن العنوان
متأخذنيش يمه اليتم
صعب خلق جوايا ضعف وهوان
بس علشان إبنك واللى
سمعته قالوا أمك كانت كيان
مين كانت تقدر تتحمل
أبوك ياعايشه بقلبى و ليك مكان
وقتها خدت على نفسى
عهد هحكيلك ساعه اللقا عن الحرمان
بس متنسيش إنك سبتى
إنسان صنع نفسه كما البنيان
وحاولى تسامحينى إن
بكيتك يوم أنا برضوه إنسان
وإبقى إصبري ساعتها
عليا هتحسى بلهفه الحيران
بقلمى / الشاعر محمد غبن
شاعر من نبض الحياه
6/11/2018
ليست هناك تعليقات:
إرسال تعليق