الجمال اللي ف قلوبنا
و الحياء اللي مصاحبنا
و الوقار اللي صالبنا
دي صفاتنا م الجدود
ليه الرجال حالها مال
عودهم عمره م كان بطال
أصل جدودهم كانوا ابطال
و أغلى ما فيهم بقي مفقود
نلقى نساء من بعد حياء
لابسين توب المحن رداء
فاكرين كاس الغرب دواء
ليه ماشين ف طريق مسدود
نلقى شباب بتمشي شمال
و يقولوا حالنا دا عال العال
موضه غريبه و حالها دا حال
ابكي يا عين على احلى ورود
و نلقى ف رقصة كيكي سعاده !
اصلها جايه م الغرب يا ساده
سنه و فرض نقيمها كعاده !
و بكل الحب لكيكي نجود
وعادي جدا سوريا واقصى !
وان يوم نحزن اخره بننسى
و جرح ماليهم داير يقسى
و احنا لكيكي نهز العود
دي صفاتنا !
✏ مسعد سليم
ليست هناك تعليقات:
إرسال تعليق