ضيق الصدر ،،،،،، للشاعر //// محمود صلاح السيد

((( ضيق الصدر )))
لما تبقى تحب أخوك
وتقبله وتضايفه عندك
ولاتستكتر خيرعليه
مش وخدها غصب عنك
دا ربنا إللى أنعم عليه
مش فضل هى ولامنة منك
ليه يضيق صدرك عليه
حاسده ليه مش طايقه جانبك
كل شويه تتكلم عليه
سانن سنانك على طول عليه
بتذم فيه وتاعب قلبك
عيب عليك مستخسرش فيه
نعمه وساقها المولى ليه
ساعتها لوم على غيرنا وأزعل
لما يجى فى يوم علينا
إللى دينا غير دينه
واللى أرضنا غير أرضه
واللى أخوك هاجر اليه
من الظروف ومن المعامله
كان فاكرها هتبقى جنه
كان فاكرها عيشه باقيه 
عاش يومين فى السعاده
والبال ارتاح وفكرها عاده
لكن دى راحه مش معتاده
النار ولعه تحت الرماد
نار وشعللها الشرار
من باقيا الإستعمار
فكر كاره للتسامح
فكر رافض الإستقرار
فجأة كشرت الملامح
وسعى للإنتقام
واخد الدين ستار
عقل وصابه الإستحمار
دود وعشش جوا عضمه
قام شطآنه وسوس إليه
مسك لجامه وتولى أمره
شطآن وقليل عليه
قص رآسه وخلع قلبه
كلمات/محمودصلاح السيد 16/3/2019