خفاجيييات
كانت عندى ثوره
_________________________
من زمان عدى وفات كانت عندى ثوره
وهتافات
وقامت عليه هوجه وحكاوى
وانا عملت دوشه وظيطه وكتبت روايات
لم اتحددت اقامة العشق فى قلبى
من واحده ،....،فى البدايات
ولم خلصت الهوجه وصفيت الموجه
وراق البال كتبت حتت
قصيده وقلتلها فيها كما هوا آت .....
اتلسعت من حبى ليكى
وحالف يمينين بعدك
ماحب تانى
وهفضل دايما مهاجر عنيكى
وهنسى جراحك الدامى
وهسلك طريق مفهوش
عشاق
اصل الحكايه ابتدت بفراق
بس بعد ماتعلقت بيكى
يخرب بيت ال يعاديكى
ويخرب بيت ال رسمك امانى
خليتى القلب داب بعد ماداق
العزاب على اديكى
وحالف مايحب تانى
ياكل شيء انانى
وحلو لاكن كداب
قربك هلاك وبعدك هلاك
اضحك تبكينى تبكى تعزبينى
انتى مارد العشق وشطان
مش ملاك
غزال فى البال لكن على
الارض جنيه
لا تخاف من عزال
ولا طالبه حنيه
امال ساكنه الفؤاد ليه
غايتك بس تجرحى فيه
ياعقده ملويه على خصر الزمان
وعود زان سبحان من صوره وزان
ياقصر وعمدانه عفيه
ياجنه ومن دموعى مرويه
وسكن بلا امان
تهجرى فلحظه وتبيعى فلحظه
وتنسى كل شيء حلو كان
ياعشق بلا حنان
وحضن ملوش مامن
وعيون تعشق الالوان
وقلب لم يعشق اصلن
انا حبيتك وجازيت القلب بضلوعه
وحبسته لم بكى بدموعه
وتارى هاخده
قبل ماتنوى على وقوعه
واكسر قلبك القاسى
واعلن فراقك
وتخروج انفاسى
ال كانت فى الصدر مطويه
واعتق رقاب فحبك كانو طايحين
وامشى رافع راسى والجبين
يا حكمه كان دسسها الزمن ليا
دمعه وجرح وفراق كانو زكا عنى
مش مرض عندييا
لا انتى اخر واحده ولا نهايت الكون
انت اخرك دمعه تنزل وساعه وتهون
وانتى اللى خصرانه دلالك وجمالك
مش هيدوم
بكره تندمى وينتهى سحرك
وتدبل ورتدك وتترمى على الكوم
سلام من قلب كان عاشقك
لقلبك المعدوم
زمان سحرك كان غاشم وجيش مزعوم
والحين اصبح رفات ملهش لزوم ،..........
بقلم : الخفاجي عامر
ليست هناك تعليقات:
إرسال تعليق