( آه يا اسكندريه )
مايه مالحه
وموجه...
وشمسيه..
ووشوش رايحه...
ووشوش جايه..
بتحلف بإسمك...
يا اسكندريه....
ونظرة شوق....
وقت مغربيه...
وشمس مروحه...
بتغطيها موجه...
زى عروسه....
وقت زفه....
بفستان وطرحه...
وزغروته
قولنا الله..
دى خدودها.. حمرا..
ويلا بينا.. معها...
ناخد كلنا.. صوره...
تكون لينا ذكرا...
يمكن نسافر.. بعد يوم..
ولا يمكن بكره..
وتتبدل الأحوال...
فى الأيام الجايه..
وأتعفر بترابك الزعفران..
وأنت جنبي معديه...
وأبكي على اللي مضى..
وأقول أيوووووه...
وتخدني الفرحه..
بدمعه سخنه...
وأشرب بقى كاسي...
من مر عنيه...
وأقول لنفسي..
دى حاجه.. صعبه..
وافتح كتابي.. واقرا..
وأكتبلك يا حلوه...
أجمل ذكرى...
وأيام الملاغيه...
وأفك بقي...
إيدك... من إديا...
يمكن بكره....
آلاقي غيرك.....
وأعيش بره... منك...
يا اسكندريه....
غربه... كربه... مش مهم..
المهم عندي... أنسي...
وآلاقي غيرك ...حبيبه....
وماكنش ليكي...
اكثر من كده... ضحيه ....
بتغيري للغريب موده... ويومه. .
وأنا اللي أبنك...
جيتي عليآ.....
وتهت منك... ف الزحمه....
**********************
آه يا إسكندريه
رجعتلك تانى....
فى الشتا
املا عيني ...
حبة وجع
أتمشى بكرنيشك...
أبرد صدرى...
اللي إتوجع
وتقولى يا غاليه...
إبن البلد..
حتة ولد...
عيل جدع..
ضرب الودع...
شاف البدع...
بياع قلوب..
ولا يوم دمع..
دلوقتى بقي...
زى الحيارى....
زى السكارى..
تحت المطر...
قلبه إتعصر...
وماجبش غير...
غربه.... وحنين ....
عمال بيهرب م الشتا ..
فى حضن أمه...
والذكرا لسه متبته...
ويتدفا فين....
فى اسكندريه....
البعد غيه...
فى اسكندريه...
الفرقه دين...
فى اسكندرية...
مافيش دوا...
للبردانين.
آه يا إسكندريه.
..........................
بقلم.... فايز علام..........
14/11/2018
ليست هناك تعليقات:
إرسال تعليق