دموع غزة ،،،،،،، للشاعر ///// حسن رمضان

دموع غزَّة !
إحنا شاطرين فى الأغانى .....مش بنعمل حاجة تانى
فيها حاربنا اليهود .... ماارتضينا فى يوم فعالهم
بالكلام نبنى السدود .... دم أولادنا حلالهم
نمنا على باب الأمانى ... مااحنا شاطرين فى الأغانى ... مش بنعمل حاجة تانى
         ******************
فرَّقــوا بينــا وعرفنا .... عشنــا فُرقِتْنا وضِعِفْنا
من ورا بعض جرينا .... ع العدا  من كتر خوفنا
حققوا أحلام كتير .... يقتلوا من غير ضمير
فى سجونهم كام أسير .... إيمتى هنحس ونغِير
نبكى لكن فى الأغانى .... والمغنى نقوله تانى
مااحنا بنموت فى الأغانى .... مش بنعمل حاجة تانى
              ***************
واللى دمه حر فينا .... ده اللى عاش تعبان بيشكى
ياما ينصح خوف علينا ....واحنا قاعدين بس نحكى
غزة تحت الإنفجار .... أهلها عايشين مرار !
والأمل واخد قرار ..... بكره هيجيب النهار
واحنا بنجهز أغانى .... لحنها له جايزة تانى
            ياعرب هاتوا الصوانى !
حسن رمضان ـ كبير باحثين بالوعظ بالأزهر ا لشريف