ساعة احتضار ،،،،، للشاعر/وائل سليم

"ساعة إحتضار"
الدنيا حر والمرار طافح علية
ونَفَسى رايح حبتين وواخدها غِية
وعنية بتدمع كتير من الأسية
ورجلى فجأة إتشنجت وإتكعبلت ف الجلابية
والفكر شارد فى السما واقف على بابها من غير هدوم
والدنيا عتمة و  إللى فاضل منى يا دوب غيوم 
سكون رهيب والصوت نحيب والقلب دق بحذر غريب
النبض عدى وما سلمش علية
والناس بتبكى من الفرح أهو مال ب نية
إنه عايش ..لسة عايش ..ورفعت إيده وم الخلاص قفلت عنية
..................../ وائل ساليم