في زمن الشباب والعشق قلت بعنوان:
{ياريت تحني}
حلوي وكاملة الاوصاف....
بالبشر مثلك مالقيت
جميلة وكلك الطاف
وانسانية وبنت بيت
مامثلك بين البنات
عندك فهم وقيمة وذات
بيسوى تكوني بوزارات
بديلة لمارغريت
جنيت بحبك جنون
يالمثلك مافي بالكون
سحرتيني بالعيون
وبنظراتن انكويت
الكي الثاني بصدودك
منعتي عليي ورودك
رح اقطف من خدودك
الورد اللي شمو تمنيت
ياحلوي لا تصدي كثير
وقلبي مش ناقص تعثير
حملت الهم واني صغير
ولولا شخصك ما حبيت
حبيتك بافكاري
وبريشة رسمي واشعاري
شغلتي ليلي ونهاري
ولهان بحبك صفيت
شغلتي فكري وعينية
وحروف الابجدية وقدمت قلبي هدية
ياريت تحني ياريت.☆☆
مع تحياتي:
برجس ركاب
ليست هناك تعليقات:
إرسال تعليق