*****وداع*****
وداع ليكي يادنيا
وداع لحبايبي الغيبين عليا
وداع للمتجمعين هنا حواليا
مقدرتش يازمان تسعدني يوم
وتفرد جناحك الحنين ليا
وسرقت من عيني النوم
حتى في عز قساك عليا
بس النهاردا خلاص موش حترجاك
انا ماشي وسايب كل حاجة معاك
مكانش ذنبي إني آمنتك
ومشيت في طريقك يازمان
ليه تغدر بيا ليه
ليه تخدعني في عز الأمان
وداع للصحاب والاحباب
وداع لزمن العذاب
وداع لأمل كان كذاب
وداع لحلم بقى سراب
ياما اتمنتها امل في قلبي كاتم عذابوا
ولايوم لحد قلت عليه
ياما استنتها تهل على قلبي ودق بابو
وتشغل بالو ولياليه
ياما حرقني الشوق للقاها
يا اتمنيت ما أعيشي إلا معاها
يما هفهف على قلبي نسيم هواها
*****
ولما لقيتها جاه الزمان
وفرق بيني وبينها
راحت اللي حبيتها هجرت المكان
وفاتت حبي ودنيتها
فاتتني للشوق والذكريات
وحمل كبير فوق قلبي
ابكي واعشق السكات
والناس فكرين الذنب ذنبي
موش ذنبي اعشق الليل
دا بيفكرني بأيام الحلم الجميل
والهوى والسهر والمواويل
كنت فاكر انها حتفضل هنا
لكن الامل تاه وضاع
كنت فكرها ماتسبنيش يوم ولا سنة
بس الزمان خان وباع
******
وزي ما في يوم كانت قدام عيني
في يوم كمان غابت عني
بس فضلت مرسومة جوا مني
اتاري الزمان لتغيب عليه افراح ولا أحزان
ولا يقدر يتهنى فيه قلب
ولا يذوق طعم الحنان
بقولك ايه ياحببتي لو كنت بتسمعيني
استنيني استني هناك
موش حافضل انا حامشي معاك
موش قاعد تاني بعدك
مع زمان خان عهدي وعهدك
وداع ياحبايبي ماشي غصب عني
وداع يازمن موش فايتلك حاجة مني
وداع ياأمل كان كذاب
وداع ياحلم كان سراب.
بقلمي مسعود زبيشة **ديسمبر 2016
ليست هناك تعليقات:
إرسال تعليق