أشهد يا نيل ،،،،،، للشاعرة///// ياسمين ثابت

اشهد يانيل
يالى رويت الارض خير
وجريت فى شراين الضمير
اشهد على كل حامى
شايل تراب ارضه وناوى
يفدى بلاده بدمه لمه
يطلع جبان من وسط لمه
ينشر رصاص الغدر
على العباد فى الارض
ويقول بقافلة مخ
انا شهيد الارض
آه ياجبان الارض
يا مستباح العرض
ضحكو عليك وفهموك
ان الشهاده قتل البراءه
  وبعدها  جنة خلود
كده ببساطه !!
يوم ما الرساله جت امانه
على نبينا خير الانام
قالت تعايش
بالامان ويا المحبه
وانشر الخير والسلام
ويوم ما الشمس تنطفى
ومعاك فسيله إزرعها
وقول على الدنيا السلام
اجرى يا نيل
نضف اراضى الشاقينين
من خطاوى الغدارين
وياريت يانيل تجيب
طوفانك يخسف بايده رادم حضانك
ومانع الخير عن خضارك
بقلمى /ياسمين ثابت