عذاب الحب
مع ان القلب مدارى وان الصبر بيداوى.
وكتير ع البعد اكون ناوى تفوتنى روحى ولا دارى.
لكن حبك يا حبيبى سبب فرحى وتعذيبى.
بان ف عيونى خلانى ع الخلق عمرى ما ادارى.
*مع ان القلب مدارى*
*وأن الصبر بيداوى..*
فضلت كتير كتير أبعد واتوه ف الدنيا واتعذب.
اتوه كتير كتير واعند..أقرب مرة واتغرب.
يجبنى حنين قريب منك ويرجع تانى تعذيبى.
لا انا قادر اكون ضلك ولا تهدى يوم نارى.
*مع ان القلب مدارى*
*وأن الصبر بيداوى..*
كان املى يوم الدنيا تريح قلبى ولو ثانية.
اتارى الدنيا مش دنيا واتاريك يا زمان حاجة تانية.
تاخدنى فى سكة وتجبنى تفرح قلبى وتتعبنى.
مابقتش عارف ايه ذنبى لا قادر أصرخ ولا ادارى.
*مع ان القلب مدارى*
*وان الصبر بيداوى..*
من كلماتى:(رضا على غريب)
ليست هناك تعليقات:
إرسال تعليق