نظم باللهجة التونسية
عبدالله جدي
يا مولاة الخصر نحيل
شعرك كيف مروج الكاف
يهب الريح عليه يميل
سبايل و ظفاير عالكتاف
زيتون ما يتيكل بالكيل
شطوط زينتها الاصداف
صحاري و غيب ونخيل
صورة تحير في الأوصاف
في شانك حيرت الدليل
غنية و شعبك في الكفاف
يا مولاة الحضن الدافي
مكسية و شعبك حافي
وينو خيرك اسقي الصافي
انا وليدك جاوب ماتخافي
كان تعبت هاهوما كتافي
كان عطشتي اشرب مكفافي
وليدك من سؤالاتو مل
خنجر ما باء ينسل
كان عندك اعطيني حل
سكوتك على شنوا يدل
نطقت بالدمعة الجرايه
قالتلي ابكي و جيب البكايه
جبت العياق ما أكبر دايا
عبدالله جدي
ليست هناك تعليقات:
إرسال تعليق