يقولوا علينا بني آدمين ،،،،،، للشاعر/فهمي حنا

بيقولوا علينا بني آدمين
والرحمة مكتوبة بكل دين
محدش ماشي فيها شمال
كله ماشي يمين فى يمين
أيوة بنعطف على المساكين
بنزرع حب فى البساتين
وكل أخ بيحب أخوة
ومفيش طمع ووجع وأنين
والخير فى عموم العالم أجمع
مين فى الدنيا بس حزين
حتي حقوق الناس وخداها
فتش جيوبها تلاقي معاها
مين بيجوع أو مين مسكين
والأمان فى الشارع دايما
مش محتاج مننا لرقابة
ولا فى خنجر ولا سكين
والأسعار  ببلاش ورخيصة
ورب الأسرة فاكرها دي هيصه
عمال يغرف بالملايين
والمسؤول يعيني غلبان
دايما عايش فى التوهان
كل حاجة بعينه جميلة
عامل بيهش  الدبان
قولوا للإنسانية سلام
ملكيش بينا بجد مكان
****************
بقلم/فهمي حنا