قلوب و قلوب
بقلم..مرقص إقلاديوس
........
فيه
قلوب من شمع
تئن للأنين و تحن للحنين.
العقل يقول
دى تصغر مع السنين.
لكنها بتكبر.
و فيه
قلوب من صخر صوان
لا ليها فى الحنين
و لا ليها فى الأنين.
تفكر بس فى أصحابها
و تتمنى ييجى طوفان
تتحكم فيه
يريحها من الباقيين.
و العقل يقول
انها تكبر..
ومع الأيام
تتملى حسد و غل
تحسد حتى إللى
أقل منها
تحسد الكل
و يصير لها الغل طبع
تغل عشان
خدت على الغل
و يوم ورا يوم تصغر.
هتقوللى
الكلام مش منطقى.
آه ما أنا عارف.
عاوز ما تصدقنيش
إنت حر.
إنت ليك سكتك
و أنا أدرى بسكتى.
إنما هييجى يوم
و هنتقابل كلنا..كلنا.
و هأفكرك
إن كانت صحيحة
حكمتى........
ملاح بحور الحكمة
مرقص إقلاديوس
ليست هناك تعليقات:
إرسال تعليق