أبنك يا أمي
***********
يالى غرامك منى أتسرق
خانى زمانى وخان شكوتي
بعتر كتابي ولسه الحكاية منتهتش
هبداء معاكي فى الكلام
اللى أتسرق مش غرامك
اللى أتسرق حلمي اللي كان
لما حلمت بيكي برعم وزهره
حلمت بيكي سنبله
حلمت بيكي أرض خصبه
حلمت بيكي أنهار ساكنها خيرالكون
حلمت بيكي لقمه تسد جوعى
حلمت بيكي ضله فى يوم رجوعى
حلمت بيكي حضن دافي
حلمت بيكي قلب وافي
حلمت.حلمت
وصحيت..على الحلم اللى كان
قلبي يصرخ بين ضلوعي
اللي حلمت بيه أمل وضاع
لما شراعي أنكسر جوا بحرك
لما تاهت نجمتي وسط موجك
لما غابت ضكتي وأنا بغرق
ليه رفضتي تمدي إيديك
ليه رفضتي تكوني عوني
وأنا بغرقي! إيه يفيدك؟
أنا أبنك جزء منك من ترابك
من سمارك عزفت لحاني
بفاسى خضرت أرضك
فوق جبيني مكتوب بعرقى أسمك
فوق جبيبى وصفك ورسمك
مدى إيديك ضمي إيدى
أنتٍ أمي أنتٍ حضني
ملجئى ونبض دمى
مدى إيديك بشوق يامه
شوقى ليكٍ محتاج ضمه
غربتى فى بلدى مررتنى
غربتى وسط أهلى موتتني
ليه سكاتك أتكلمي
طال بعادك قربي
شايفه يامه كلابهم
تنهش فى لحمى
شايفه جنزيرهم
بترسم تاريخك بدمى
قولتي يابني
دول حراسك
طيع أوامرهم
دول أهلك وناسك
هانوا كرامتى
وأنتى ساكته
سرقوا بيتى
سرقوا أرضى
هنت وهان عليهم
حتى عرضى
ياما بينى وبين اليأس
خطوتين مدى إيديك
ألحقيني ومن ضلام
سجونهم خرجينى
ألحقينى من أنيابهم خلصينى
نفسى ياما تحضنينى
بين إيديك نفسى أبكي
عاجزه ياما تحضنيني
عاجزه حتي تنجديني
ياما أقتلينى وأخلصي
وأنسي إني أبنك
أنسى إنى حلمك
أنسى كنت بقولك أيه
*********
مهندس//محمود درويش
ليست هناك تعليقات:
إرسال تعليق