ماتيجي تقولي بيت
وأنا أقولك التاني
ونشوف مين فينا
بيحب أكتر من التاني
أنا بيتي فرح وهنا
سعاده طول اليوم
أنا بيتي قصر عالي
ونجومه
طول السنه
بتضوي الليالي
سمايا مافيها غيوم
والمطره رزاز من نور
وقمري....
يوم واحد بالشهر
بدر منور ...
حولينا يدور
وشمسي هاديه حنينه
في الشتا بتدفي
وفي الصيف يادوب للنور
وأجراس بيتي......
موسيقاها مونامور
انا بيتي فرحة هنا
السكينه عنوانه
عينيك هي ضوئه
وخطواتك سكانه
همسك فيه سكونه
وصدرك فيه أمانه
وأزرع حوالين البيت
لبلاب يطلع على الحيط
يرتوي من نبع حب
وعلقه على الخيط
وأنا لرضاك حاير ه
من فرحتي طاير ه
تأمر وأقول حاضر
أهمس تقول صاير
وماعايزين يجينا زاير
مالك....... ساكت ليه
هو ده بيتي انا
مااقصد بيت شعر
وايه أكون انا
لو قلت قصيده كامله
بيت واحد منك ....
يلخصها في ثانيه
قولي انت بقى بيت
او .........حتى كلمه
#فايزه البغدادي
ليست هناك تعليقات:
إرسال تعليق