ياديك يارومى بتنفخ ليه
ونافشلى ريشك كدا عى ايه
قال يعنى هتحب وتتهنى
البط رايح جاى تلاغيه
والوز عمال تلعب بيه
وعاميلى نفسك قال فى الجنه
يا أللعوبان على اصلك بان
مغلوب على امرك غلبان
ياللى انت حالك كدا من حالنا
بتطاطى راسك بس عشان
قال ايه بتحترم النسوان
نموت نموت وتعش نسوانا
يابت مالك كدا شغلاه
قلبى اللى حبك شافك تاه
ومنقرشاله الروج والحنه
لعبتى بيه وشغلتى هواه
وبقيتى حلم بيتمناه
ياريت ماشافك يوم واتمنى
ولما نالك بقيتى مالك
وعملتى كل اللى بيحلالك
وبقيتى فرض عليا وسنه
وياصوت ياعالى صبحت واطى
علشان نكمل لازم نتاطى
نموت نموت وتعيش نسوانا
ليست هناك تعليقات:
إرسال تعليق