مسكت الفرشاه ،،،،،، بقلم أ // رضا أبو حسين

مسكت الفرشاة قلت ارسم
و أديني بدأت اتخيل
و أعود للكلمة والضحكة
اللي ما بيننا وأتأمل
لقيت نفسي مانيش عارف
أعبر عاللي جوايا
لقيت أيدي بقت هامدة
عجزت ورفعت الراية
قالتلي ازاي انا ارسم
جمال فالدنيا ماله زي
دا سحر الخد والضحكة
كمان بهجة وطلعة ضي
غصبت و دست على أيدي
يدوب رسمت عنيكي وبس
علشان النظرة وحشتني
و اكتر حاجة بيها بحس
علشان السحر ماليهم
وحب العمر كان ليهم
فضلت حزين وابصلهم
واقول امتا انا اشوفهم
عيونك ردوا من الصورة
اصبر بكرة تتعدل
....... كلمات رضا أبو حسين
٣١/١٢/٢٠١٨